Жаштар үчүн уюштурулган “Vibes” долбоорунун “Жашоо көндүмдөрү” жана “Ишке орношуу” багыттарындагы тренингдик программасынын алкагында биздин лицейдин окуу-тарбия иштери боюнча директордун орун басары — Турдубекова Айгүл Сыртбаевна жигердүү катышып, жыйынтыктоочу тренингде 1-орунду багындырды.
Айгүл Сыртбаевна өзүнүн эмгеги менен айырмаланып, ноутбук, сертификат жана баалуу белектер менен сыйланды.
1 жылдын ичинде жалпы 23 сессия өтүлүп, жасалган иштердин отчёту жана мониторингдин жыйынтыгы анын ийгилигин далилдей алды.
Лицейибиздин жетекчилиги да бул кубанычтуу кабарды жылуу кабыл алып, шыктандыруучу белектерин тапшырды.
Лицейибизде мындай жемиштүү жеңиштер ар дайым болсун деп тилек кылып, Айгүл Сыртбаевнага ийгилик каалайбыз!
